NOTA! Questo sito utilizza i cookie e tecnologie simili.

Se non si modificano le impostazioni del browser, l'utente accetta.

Approvo
11
Thu, Aug
22 Nuovi articoli

Sa cida sulcitana in curtzu. Dae su 28 de friàrgiu a su 6 de martzu.

Novas in Sardu (LSC)
Aspetto
Condividi

A dolu mannu sa gherra in Ucraina sighit e aici su primu de martzu su Consìliu Comunale de Carbònia at aprovadu cun votu cuncòrdiu unu documentu chi proponit s’acullièntzia de is pròfugos in manera istruturada in su territòriu ativende totus is canales de cooperatzione disponìbiles.
Dae su 2 de martzu at torradu a abèrrere sa piscina comunale de Carbònia, chi fiat serrada dae s’ùrtimu die de s’annu passadu. S’assessora a s’isport Giorgia Meli at ispiegadu ca s’amministratzione impari a is tècnicos comunales si sunt impegnados meda pro chi su servìtziu torresit a disponimentu de is tzitadinos mancai su prètziu prus artu de s’energia e sa pandemia apant cumplicadu meda totu sa chistione e chi ant a sighire a traballare pro resòlvere is problemas istruturales de s’impiantu.
Giòbia is sìndigos de su Sulcis si sunt atobiados in sa sede amministrativa de sa ASL 8 in Carbònia pro elìgere is presidentes e vicepresidentes de is tres distretos sotzio-sanitàrios. Su presidente de su distretu de is ìsulas est Salvatore Puggioni (Carloforte) e Ignazio Locci (S.Antiogu) est vicepresidente; su presidente de su distretu de su Sulcis est Gianluigi Loru (Perdaxus) e Gian Luca Pittoni(Masainas) est su vicepresidente, su presidente de su distretu de Igrèsias est Marco Corrias (Frùmini Majori) e Debora Porrà est sa vicepresidente (Bidda Massàrgia).
A pustis de un’inchiesta giornalìstica de s’Unione Sarda est torradu biu s’interessu pro su Piano Sulcis chi est su muntoni de dinari (1milardu e 240 miliones de èuros, cun 840 miliones de dinari pùbblicu) chi depiat serbire pro donare rispostas a su territòriu chi fiat intradu in d-una crisi manna meda pro mori de sa tancadura de bona parte de is indùstrias de Portovesme. Est craru chi custu progetu chi fiat istadu firmadu 13 de donniassantu de su 2012 e chi depiat intervènnere in totus is setores (dae is infrastruturas a is atividades econòmicas) no at donadu is resurtados isperados. A cantu paret s’80% de is risorsas disponìbiles est impegnada ma su dinari chi est istadu spèndidu de diaderus est a giru de su 20%. Est difìtzile agatare responsabilidades pro su “fallimentu” ma siguramente sa burocratzia in generale at causadu ritardos e su fatu chi siat prima “isparèssida” (in su 2016) sa provìntzia sulcitana chi depiat gestire una parte manna de is progetos e chi sa gestione etotu siat passada diretamente a s’assessoradu regionale a s’indùstria at fatu sceti che crèschere is ritardos.
Fatu istat chi pro una cida coordinadores e rapresentantes de totus is entes coinvòlgidos ant fatu de pala in coddu (chi in italianu bolit nàrrere “scaricabarile”), e aici cenàbara giai totus is sìndigos de sa ex provìntzia de Carbònia-Igrèsias ant atobiadu in Casteddu s’assessora a s’indùstria Anita Pili e s’assessore a s’ambiente Gianni Lampis pro arresonare in contu de su dinari chi abarrat. Is sìndigos, chi aiant invitadu pro primos s’assessora Pili a andare in su Sulcis, cun ideas una pagu diferentes ant ispiegadu sa situatzione in is comunos insoru e dimandadu interventos chi no fiant prevèdidos 10 annos a coa. A dònnia manera ancora non si ischit in manera pretzisa cantu est su dinari disponìbile e est craru chi nc’ant a bòllere àteros atòbios pro torrare a progetare ma assumancus a pustis de 2 annos s’est torradu a resonare a pitzus de risorsas econòmicas chi sunt de importu mannu.
Cenàbara in sa biblioteca de Carbònia ant abertu sa mostra fotogràfica “Io apro all’UNESCO” (40 pannellos aundi sunt arritratados àteratantos monumentos) promòvida dae s’assòtziu “La Sardegna verso l’UNESCO” cun sa collaboratzione de su Comunu de Carbònia chi tenit s’iscopu de candidare is monumentos de sa tziviltade nuraghesa in s’elencu de is benes amparados dae s’organizatzione internatzionale. Su presidente de s’assòtziu Pierpaolo Vargiu at ispiegadu ca s’idea est cussa de imperare su patrimòniu culturale de s’antigòriu che volanu de isvilupu sustenìbile pro totu s’Ìsula.


italiano

Brevi dal Sulcis. Dal 28 febbraio al 6 marzo.

Purtroppo la guerra in Ucraina continua ancora, così il primo marzo il consgilio comunale di Carbonia ha approvato all’unanimità un documento attraverso il quale la città si apre in maniera strutturata all’accoglienza dei profughi attivando tutti i canali di cooperazione disponibili.

La piscina comunale di Carbònia dal primo marzo ha riaperto al pubblico. La piscina era chiusa dal 31 dicembre scorso. L’assessora allo sport Giorgia Meli ha spiegato che non è stato semplice riprire la struttura a causa dell’aumento del costo dell’energia e della pandemia ma l’amministrazione assieme ai tecnici comunali si sono impegnati affinché il servizio tornasse a disposizione dei cittadini e che si continuerà a lavorare per risolvere i problemi strutturali dell’impianto.


Giovedì scorso i sindaci del sulcis-iglesienti si sono incontrati nella sede amministrativa della ASL 8 di Carbonia per eleggere i presidenti e i vicepresidenti dei tre distretti sociosanitari. Per il distretto delle isole è stato Salvatore Puggioni (Carloforte) mentre Ignazio Locci (S.Antioco) è il vicepresidente; per il distretto del Sulcis il presidente eletto è Gianluigi Loru (Perdaxius), il vicepresidente è Gian Luca Pittoni (Masainas), infine per il distretto di Iglesias è stato eletto presidente Marco Corrias (Fluminimaggiore) e vicepresidente Debora Porrà (Villamassargia).

L’inchiesta giornalistica portata avanti due settimane fa dall’Unione Sarda ha improvvisamente ravvito l’attenzione sul Piano Sulcis ossia l’enorme quantitativo di risorse economiche (oltre 1 miliardo e 240 milioni di euro dei per ¾ pubblici) che sarebbero dovuti servire a rilanciare il territorio che era precipitato in una profondissima crisi economica e sociale a causa della chiusura della maggior parte delle grandi aziende del polo industriale di Portovesme. È evidente che questo progetto, siglato il 13 novembre del 2012, che sarebbe dovuto intervenire in tutti i settori (dalle infrastrutture alle attività economiche passando per le bonifiche e l’istruzione) non ha dato i risultati sperati. A quanto pare l’80% delle risorse risulta impegnato mentre solo il 20% è stato realmente speso. È piuttosto complicato attribuire le responsabilità del “fallimento” del Piano Sulcis, ma sicuramente la burocrazia in generale ha giocato un ruolo importante a cui si deve aggiungere prima la “scomparsa” la provincia di Carbonia-Iglesias nel 2016 e il passaggio della gestione del piano all’assessorato all’industria non hanno fatto altro che dilatare i tempi e far crescere i ritardi.
Fatto sta che per una settimana coordinatori e rappresentanti degli enti coinvolti hanno fatto lo scaricabarile e così venerdì scorso i sindaci della ex provincia di Carbonia-Iglesias hanno incontrato a Cagliari l’assessora all’industria Anita Pili e l’assessore all’ambiente Gianni Lampis per discutere sui fondi rimanenti. I sindaci, che avevano invitato per primi l’assessora a venire nel Sulcis, con idea differenti hanno fatto il punto sull’avanzamento dei lavori nei loro comuni e hanno fatto alcune proposte che non erano previste nella stesura originale. Considerato che è ancora in corso la ricognizione sulle risorse realmente disponibili saranno necessari numerosi altri incontri per riprogrammare risorse importantissime per il nostro territorio.

Venerdì mattina è stata inaugurata la mostra fotografica “Io apro all’Unesco” organizzata dall’associazione “La Sardegna verso l’UNESCO” con la collaborazione del Comune di Carbonia. Si tratta di 40 pannelli fotografici che ritraggono altrettanti monumenti dell’età nuragica. Lo scopo degli organizzatori è quello di candidare i monumenti dell’età nuragica all’elenco dei beni tutelati dall’UNESCO e come ha spiegato nella conferenza introduttiva Pierpaolo Vargiu, presidente dell’associaizone “La Sardegna verso l’UNESCO” di utilizzare l’immenso patrimonio archeologico della Sardegna come un volano per lo sviluppo sostenibile per tutta l’Isola.