NOTA! Questo sito utilizza i cookie e tecnologie simili.

Se non si modificano le impostazioni del browser, l'utente accetta.

Approvo
06
Tue, Dec
56 Nuovi articoli

Sa cida sulcitana. Dae su 4 a su 10 de abrile

Novas in Sardu (LSC)
Aspetto
Condividi

Lunis 4 de abrile: su Guvernu at istabilidu sa data pro is pròssimas eletziones amministrativas. Su 5 de làmpadas is eletores de Carbònia (su ballotàgiu s'at a faere su 19 de làmpadas si nisciunu candidadu a sìndigu at pigare assumancu su 50%+1 de is votus), Sa Baronia-Villaperùciu, Masainas, Narcau, Perdaxus, Bugerru, Musei, Gonnesa, Santu Giuanni Suèrgiu e Domus Noas (custos duos commissariados) ant a scioberare su sìndigu e is consilieris comunales.

5 de abrile: ocannu puru sa citade de Carbònia at ospitadu unus cantu istudentes chi ant pigadu parte a su progetu s'assòtziu AFS Intercultura chi permitet a piciocos de totu su mundu de andare in istados diferentes pro ismanniare su bagàgliu culturale insoru. Is piciocos thailandesos, cinesos, paraguayanos, bolivianos, serbos, norvegesos e istatunitensos sunt istètios saludados dae is rapresentantes de s'Amministratzione Comunale e ant bisitadu su liceo scenfìticu Amaldi e is museos citadinos.

6 de abrile: una barca a vela chi fiat circhende de passare in su canale de sa laguna at pigadu fogu proita ca at istumbadu is cavos eletrìcos de s'arta tensione chi pendint pròpiu asuta de su ponte. Su cumandante – chi pensaiat chi su ponte si fessit abertu – cun s'agiudu de su personale de sa Capitanèria de portu, nd'at isturadu su fogu a lestru.

7 de Abrile S'Agèntzia de is Intradas at obertu unu "front office" in sa domu comunale de Carbònia chi at a èssere aberta duas bortas a sa cida, su lunis e su giòbias dae is 8:30 a is 12:30 a mangianu, e dae is 2:00 a is 3:30 de meigama.

8 de abrile: in Carbonia, su partidu de SEL non bollet candidados chi apant tentu ruolos istitutzionale cun su centru-dereta in sa coalatzione chi at a sustènnere Giuseppe Casti (PD). Nùmenes no nd'at fatu perou paret craru a totus chi su personàgiu chi non bolent est Fabio Usai, ex leader de Azione Giovani in su Sulcis (su movimentu de is giòvanos de Alleanza Nazionale) elìgidu consilieri comunale in su 2006 cun AN e in su 2011 cun su PDL chi est passadu a su Partidu de is Sardos. Sa chistione est presentada comente "ideològica" ma is prus atentos a is chistiones polìticas citadinas e finas is espertos de nùmeros, mancai at a essere gente chi portat malesa meda, narant chi Usai – connotu pro èssere una persona sèria e òmine de gabbale – fatzat crèscere meda sa lista sua (in is ùrtimas eletziones issu a solu at pigadu giae 600 votos istabilende su record de preferèntzias dae su 1993) e duncas, sende chi su nùmeru de is consilieris comunales nd'at a calare dae 30 a 24 sceti, podet èssere chi sa lista de su Partidu de is Sardos pighit 2 o 3 sègios lassende a calincunu sena de cadira in consìliu comunale....Sempre chi su centru-manca binciat is eletziones e chi non acuntessat carchi rivolutzione democràtica in Carbònia, dae sempre guvernada dae fortzas polìticas de manca o centru-manca.

In Sant'Antiogu imbetzes is 8 consilieris de opositzione ant presentadu una motzione de isfidùcia contras a su sìndigu Mario Corongiu. In sa motzione, longa e articulda, in bona sustàntzia si ligit ca siat su Consìliu Comunale in medas atos de indiritzu polìticu est favore de unu tunnel chi colleghit s'ìsula de Sant'Antiogu a sa Sardigna e in custa manera etotu dda pentzant giae totu is santantioghesos. Invècias s'ANAS at acelleradu is proceduras pro fabricare unu ponte nou. S'opositizione imputat a su sìndigu e a totu sa giunta, su fatu de èssere firmos e de abarrare a cun sa conca calada de fronte a decisiones pigadas in Casteddu chi no arrispetant sa voluntade de is citadinos e de is istituziones comunales e pro custas arresones si nde depent andare a domu.

9 de abrile In Santadi Màriu Puddu at presentadu sa de duas editziones de su Ditzionàriu de sa Limba e de sa Cultura Sarda. Duncas a pustis de 15 annos torrat a essire ismanniada s'òpera chi su professore de Illorai at incumentzadu in su 1987. In su Ditzionàriu s'agatant prus de 110 mila lemmas, curiosidades a pitzus de is sanguanados sardos, etimologias, sinònimos e contràrios, elementos de grammàtica sarda e sa furriadura de prus de 22mila fueddos in 5 lìnguas (tedescu, francesu, inglesu, ispagnolu e italianu). Su professore at nadu puru chi isperat chi su situ www.ditzionàriu.org – chi dae su 2000 at tentu prus de 10 miliones de intradas – torrit a èssere operativu in pagu tempus.

10 de abrile: in Narcau, in s'ex albergu de Rosas, in ue sunt allogiados prus de 120 migrantes, is Carabineris de is istatziones de su Sulcis de Bàsciu, cun s'agiudu de is unidades cinòfilas e un'elicòteru, ant fatu percuisitziones in is istanzas e ant agatadu 14 grammos de hascisc chi teniat cuadu unu migrante senegalesu.

Lunis 4 de abrile: su Guvernu at istabilidu sa data pro is pròssimas eletziones amministrativas. Su 5 de làmpadas is eletores de Carbònia (su ballotàgiu s'at a faere su 19 de làmpadas si nisciunu candidadu a sìndigu at pigare assumancu su 50%+1 de is votus), Sa Baronia-Villaperùciu, Masainas, Narcau, Perdaxus, Bugerru, Musei, Gonnesa, Santu Giuanni Suèrgiu e Domus Noas (custos duos commissariados) ant a scioberare su sìndigu e is consilieris comunales.

5 de abrile: ocannu puru sa citade de Carbònia at ospitadu unus cantu istudentes chi ant pigadu parte a su progetu s'assòtziu AFS Intercultura chi permitet a piciocos de totu su mundu de andare in istados diferentes pro ismanniare su bagàgliu culturale insoru. Is piciocos thailandesos, cinesos, paraguayanos, bolivianos, serbos, norvegesos e istatunitensos sunt istètios saludados dae is rapresentantes de s'Amministratzione Comunale e ant bisitadu su liceo scenfìticu Amaldi e is museos citadinos.

6 de abrile: una barca a vela chi fiat circhende de passare in su canale de sa laguna at pigadu fogu proita ca at istumbadu is cavos eletrìcos de s'arta tensione chi pendint pròpiu asuta de su ponte. Su cumandante – chi pensaiat chi su ponte si fessit abertu – cun s'agiudu de su personale de sa Capitanèria de portu, nd'at isturadu su fogu a lestru.

7 de Abrile S'Agèntzia de is Intradas at obertu unu "front office" in sa domu comunale de Carbònia chi at a èssere aberta duas bortas a sa cida, su lunis e su giòbias dae is 8:30 a is 12:30 a mangianu, e dae is 2:00 a is 3:30 de meigama.

8 de abrile: in Carbonia, su partidu de SEL non bollet candidados chi apant tentu ruolos istitutzionale cun su centru-dereta in sa coalatzione chi at a sustènnere Giuseppe Casti (PD). Nùmenes no nd'at fatu perou paret craru a totus chi su personàgiu chi non bolent est Fabio Usai, ex leader de Azione Giovani in su Sulcis (su movimentu de is giòvanos de Alleanza Nazionale) elìgidu consilieri comunale in su 2006 cun AN e in su 2011 cun su PDL chi est passadu a su Partidu de is Sardos. Sa chistione est presentada comente "ideològica" ma is prus atentos a is chistiones polìticas citadinas e finas is espertos de nùmeros, mancai at a essere gente chi portat malesa meda, narant chi Usai – connotu pro èssere una persona sèria e òmine de gabbale – fatzat crèscere meda sa lista sua (in is ùrtimas eletziones issu a solu at pigadu giae 600 votos istabilende su record de preferèntzias dae su 1993) e duncas, sende chi su nùmeru de is consilieris comunales nd'at a calare dae 30 a 24 sceti, podet èssere chi sa lista de su Partidu de is Sardos pighit 2 o 3 sègios lassende a calincunu sena de cadira in consìliu comunale....Sempre chi su centru-manca binciat is eletziones e chi non acuntessat carchi rivolutzione democràtica in Carbònia, dae sempre guvernada dae fortzas polìticas de manca o centru-manca.

In Sant'Antiogu imbetzes is 8 consilieris de opositzione ant presentadu una motzione de isfidùcia contras a su sìndigu Mario Corongiu. In sa motzione, longa e articulda, in bona sustàntzia si ligit ca siat su Consìliu Comunale in medas atos de indiritzu polìticu est favore de unu tunnel chi colleghit s'ìsula de Sant'Antiogu a sa Sardigna e in custa manera etotu dda pentzant giae totu is santantioghesos. Invècias s'ANAS at acelleradu is proceduras pro fabricare unu ponte nou. S'opositizione imputat a su sìndigu e a totu sa giunta, su fatu de èssere firmos e de abarrare a cun sa conca calada de fronte a decisiones pigadas in Casteddu chi no arrispetant sa voluntade de is citadinos e de is istituziones comunales e pro custas arresones si nde depent andare a domu.

9 de abrile In Santadi Màriu Puddu at presentadu sa de duas editziones de su Ditzionàriu de sa Limba e de sa Cultura Sarda. Duncas a pustis de 15 annos torrat a essire ismanniada s'òpera chi su professore de Illorai at incumentzadu in su 1987. In su Ditzionàriu s'agatant prus de 110 mila lemmas, curiosidades a pitzus de is sanguanados sardos, etimologias, sinònimos e contràrios, elementos de grammàtica sarda e sa furriadura de prus de 22mila fueddos in 5 lìnguas (tedescu, francesu, inglesu, ispagnolu e italianu). Su professore at nadu puru chi isperat chi su situ www.ditzionàriu.org – chi dae su 2000 at tentu prus de 10 miliones de intradas – torrit a èssere operativu in pagu tempus.

10 de abrile: in Narcau, in s'ex albergu de Rosas, in ue sunt allogiados prus de 120 migrantes, is Carabineris de is istatziones de su Sulcis de Bàsciu, cun s'agiudu de is unidades cinòfilas e un'elicòteru, ant fatu percuisitziones in is istanzas e ant agatadu 14 grammos de hascisc chi teniat cuadu unu migrante senegalesu.



Iscriviti!! E' Gratis

Iscriviti attraverso il nostro servizio di abbonamento gratuito di posta elettronica per ricevere le notifiche quando sono disponibili nuove informazioni.
Pubblicità