Sa cida Sulcitana in lingua communa. Dae s’11 a su 17 de làmpadas
Domingu 11: In 4 comunos sulcitanos s’est votadu pro s’eletzione de is sìndigos e su rennovu de su Consìliu Comunale. In Sant’Antiogu at bintu Ignazio Locci chi at pigadu giai su 38% de is votos, Alberto Fois de Genti Noa est arribadu segundu cun su 34%, a su de tres postos cun su 16,3% Massimo Melis, male meda s’ex vicesìndigu Marco Massa ùrtimu cun 11,7%. In Portescusi cunfirmadu Giorgio Alimonda cun su 53,8%. Su sìndigu nou de Carloforte est Salvatore Puggioni( at pigadu prus de 57%); sìndigu nou puru in Nuxis: Pierandrea Deias at bintu cun su 40%, firmos toteduos a su 30% s’abogadu Andrea Pubusa e s’ex vicesìndigu Mariano Nonnis.
Lunis 12: Is allievos de su de 136 cursos de sa “Scuola Allievi Carabinieri” chi tenit sede in Caserma Trieste in Igrèsias ant fatu giuramentu. Is 198 allievos (20 sunt fèminas) ant acabadu sa primu fase de su cursu e imoi incumentzat unu tirocìniu de 2 meses in is istatziones de s’Arma e apoi ant a torrare in s’Iscola pro acabare is istùdios.
Martis 13: Martis passadu una pentzionada de Sant’Antiogu pro protestare contras a su Comunu ca non fiat faghende nudda pro nde ispèrdere is topis chi sunt impestende su tzentru de “Sa Idda” nc’at iscapadu una mardonna in municìpiu. S’est iscìpidu ca custa faina dd’at a pagare cara meda: infatis dd’ant dentuntziada pro interrutzione de pùbblicu servìtziu proite est bènnidu a marolla a serrare s’ufìtziu tènnicu pro cassare s’animale.
Mèrcuris 14: calincunu chi teniat pagu cosa de fàere at postu fogu in is bagnos de s’istatzione de is trenos de b. Garibaldi in Igrèsias. Gente at bistu sa pampa e su fumu e at telefonadu a is pompieris chi nd’ant isturadu su fogu a lestru (fàtzile chi pro atacare su fogu apant oberadu arrogos de paperi). Sa Politzia est indaghende e fortzis is filmados de is telecameras de siguresa iant a pòdere donare una manu de agiudu a cassare is vàndalos chi ant fatu custa bella faina.
Giòbia 15: Cida tribolada pro sa polìtica carboniesa. Lunis unu grupu de fèminas chi boliant ischire su nùmene de chini aiat iscritu is post sessistas aparèssidos in d-una pàgina Facebook de su M5S de Carbònia at pesadu ballarocu in sa riunione de su Consìliu Comunale. Su presidente de su Consìliu, Massimiliano Zonza, si nd’est pigadu totus is curpas e s’opositzione at presentadu una motzione de isfidùcia contras a su presidente de su Consìliu etotu chi ant firmadu puru 2 consilieris de magiorantza. Martis s’est dimìtida su consilieri de magiorantza Sabrina Soru in polèmica cun s’atzione amministrativa. Mèrcuris est essidu unu documentu firmadu dae 42 ativistas de su M5S (ddoe at puru sa firma de s’ex assessora Carla Mario chi si fiat dimìtida pro motivos personales e de un’àteru consilieri comunale) chi pigat positzione contras a is ùrtimos fatos chi pertocant s’Amministratzione Comunale de Carbònia. In mesu de totu custu treullu su sìndigu Paola Massidda e s’assessora Loredana La Barbera ant annuntziadu chi cida chi benit su Comunu de Carbònia at incumentzare a pagare is contributos de su REIS a is personas ammìtidas in sa graduatòria.
Sa Guàrdia Costera est intervènnida in Porto Palleddu (in comunu de Portescusi) e at postu 5mila èuros de multa a duas personas chi fiant faende furriotus a pagu tretu de sa plàgia cun d-unu gommone e una motu de àcua ponende in perìgulu sa gente.
Cenàbara 16: sa consulta de is assòtzios de su Geoparcu in d-una nota sustennit sa nòmina de Tarcisio Agus, ex sìndigu de Gùspini e ex consilieri regionale, a sa presidèntzia de su Parcu Geomineràriu istòricu de sa Sardigna. Cun sa nòmina de Agus acabant 10 annos de gestione commissariale.
Sàbudu 17: a is 26 algerinos chi sunt lòmpidos giòbia in Porto Pino tocat a nde aciungere àteros 14 chi sa motovedeta de s’esèrcitu chi operat in sa zona de su polìgunu de Cabu Teulada at agiudadu in 2 operatziones diferentes. Comente semper is migrantes nde-ddos ant pinnigados is Carabineris e nche-ddos lòmpidos a su tzentru de collidura de Assèmini.
Cagliari. Rubiu (Capogruppo Udc) sul progetto Diamante Impresa: <<Una discriminazione per i sardi>>
<<Si pensi prima ai sardi senza lavoro>>. Il capogruppo regionale dell’Udc Gianluigi Rubiu va giù duro sul progetto Diamante Impresa, che mira all’occupazione dei migranti. <<Nessuna discriminazione illogica. Gli immigrati vivono certamente uno stato di disagio, ma sarebbe opportuno ricordare che gran parte dei cittadini isolani si scontrano perennemente, per la mancanza di lavoro e l’assenza di prospettive economiche, con un continuo malessere>>. Il rappresentante dei centristi non mostra dubbi e auspica <<l’immediata revoca del bando>>. Dissensi e perplessità trasversali alle forze politiche, insomma. <<E’ uno schiaffo verso i sardi – continua Rubiu – che non riescono a superare il dramma sociale della crisi economica. Si guardi alla situazione di declino del Sulcis Iglesiente, senza che venga approvato nessun progetto per il rilancio dell’attività produttiva, con l’aumento esponenziale dei disoccupati rimasti senza stipendio>>. Ecco perché Diamante Impresa suona come una beffa. <<In realtà appare evidente – conclude Rubiu – che i veri discriminati sono i sardi, che vedono i propri diritti calpestati e non si avvantaggiano di misure in grado di garantire la ripresa economica>>.
Roberto Pinna
