Sa multinatzionali svizzera chi in Portovesme est de domu de dixot’annus cun sa produtzioni de Prumbu e Zingu, at portau interessi a su 31 de Austu.
Unas cantas de dies a palas s’atòbiu intru is puntas de sa multinatzionali e Invitalia, chi manigiat sa partida pro contu de su Guvernu. Finas a imoi sa tratativa est andara in antis sceti cun sa Syder Alloys, sa sotziedadi svizera chi at giai fatu sa “Due Diligence”(is contus de su bilànciu) in is impiatus e chi sa cida passada at spediu is supertennicus americanus po s’urtimu cuntrollu giustu giustu po su pianu industriali. Sa Syder Alloys tennit una cursia preferentziali, tratativas cun Invitalia finas a su 31 de Ladàmini.
Si a s’acabada de su mesi at essi fatu unu acòrdiu sa Glencore non podit fai nudda e duncas Syder Alloys est in vantàgiu, ma n’arrimonta de sa Glencore non si podit scìri mai. A castiai sa scena de in foras, si binti sceti meda operaius senne traballu giai de annus.
pietro Marroccu
