sa cida sulcitana in curtzu. Dae s’8 a su 14 de donniassantu
sardu
In Igrèsias sunt acabbados is traballos chi sunt serbidos pro torrare a fàere su pamentu de sa pratza de sa Seu e in custa manera totu is arrugas chi sunt interessadas dae su percursu de is ritos de sa Cida Santa sunt fatas de bellu e nou. Su sìndigu Mauro Usai at ispiegadu ca sa base de su progetu e istada sa documentatzione istòrica e fotogràfica de is primos annos de su ‘900 e duncas is ingennieris, cun sa parridade de sa soprintendèntzia, ant scioberadu arregiolas cuadras de granitu biancu e in prus Usai at nadu ca a lestru ant a incingiare sa pratza e ca s’Amministratzione est aprontende àteras initziativas pro su centru istòricu.
A sa mancàntzia de personale in su repartu de diàlisi de s’ispidale Sirai de Carbònia si aciungint puru is problemas istruturales: giòbia a note pro more de is infiltratziones de àcua pròina nd’est arruta una contra-bòvida. Sa bona sorte at bòfidu chi cussu momentu non fessit passende nemus e a die infata sunt intervènnidos is tècnicos pro circare de nche pònnere assumancus unu sapu.
Sàbudu in Nuxis ant torradu a incumentzare is presentadas in presèntzia de libros in sa biblioteca comunale: su vicesìndigu M. Fanutza cun sa bibliotecaria R. Podda dd’ant fatu cun Michele Atzori connotu cun su nomìngiu de Dr. Drer. Atzori, 53 annos, est unu de is mellus cantantes sardos de rap e reggae e pustis de 6 discos e 500 cuntzertos in totu s’Europa, at detzìdiu de si dedicare a s’iscritura cun d-un’òpera autobiogràfica chi si narat “Giornata avara”. Cun 14 contos ispassiosos, Atzori a incumentzare dae su 1980 contat 40 annos de evolutzione sotziale de Casteddu, de sa Sardigna e fintzas de is sardos andende a tocare cun ironia e sarcasmu temàticas difìtziles comente s’emigratzione, is tzerachias militares, s’amparu de s’ambiente, de sa salude e de sa cultura.
At sighidu a pròere totu sa cida e domìniga, a chitzi mannu, est acuntèssidu un’eventu bastante raru: s’ogu de su ciclone chi at intressadu sa Sardigna s’est firmadu in su mare de fronte a sa costa de Teulada e aici at incumentzadu a iscarrigare àcua a carcidas is montes de su Sulcis e in su pranu: bastit a pensare ca in d-una istatzione amatoriale in Barrua, in su sartu de Santadi, ant registradu 120 mm dae is 20:00 de sàbudu a is 12:00 de domìnigu. Sichei totu sa zona de Sulcis de bàsciu est istada interessada dae allagamentos causados dae coris e arrigàngios, ma is logos prus fertos sunt is biddas de Masainas cun s’àcua trula chi calaiat a arriu in s’arruga printzipale e S.A. Arresi aundi a s’iscòciu fatu dae s’istracia (cun arrugas aciuvadas e fangu iscoladu dae is montes) si aciungit una tragèdia manna. Un’undada de àcua arta unu metru e mesu nd’at pigadu un’òmine de 81 annos chi fiat essidu pro castiare su bestiàmine e dd’ant torradu a agatare mortu sceti a primu note.
Un’àtera tragèdia s’est arriscada in sa SP 70 chi collegat Santadi e Teulada: s’arriu chi nde calat dae Sèbera nd’at sciusciadu su ponte chi abarrat intr’e mesu is grutas de Su de is Tzuddas e Sa fratzione de Su de is Catas: sa bona sorte at bòfidu chi su ponte apat cumentzadu a arruere 10 minutus dae chi est passada s’ùrtima vetura. Custu causat problemas mannos pro is 30 residentes de Su de is Catas: sena de ponte pro andare a Santadi ddis tocat a passare in istradas biancas peri is montes (semper chi esistant ancora) o ddis tocat a andare a Teulada pro calesisiat cosa e isperant chi sa Provìncia coitit a arrangiare su ponte.
Siguramente s’iscutulada de àcua fiat manna tontesamente – in S.A. Arresi mancu is prus bècius tenent arregordu de un’istrossa sìmbile – ma sa chistione de su dissestu idrogeològicu de su territòriu cun sa mancàntzia de dinari pro is entes locales e sa burocratzia istentosa sunt semper uguales. Est giustu a sinnialare ca sa Protetzione Civile regionale at mandadu s’allerta groga sceti pro arriscu idrogeològicu e chi dd’ant mudada a colore de aràngiu candu ormai iat giai lassadu de pròere.
ITALIANO
A Iglesias sono conclusi i lavori di pavimentazione della Piazza del Municipio e così tutte le vie che sono interessate dal percorso dei riti della Settimana Santa sono state praticamente rifatte. Il sindaco Mauro Usai ha spiegato che alla base del progetto vi era documentazione storica e fotografie risalenti ai primi anni del ‘900 e dunque gli ingegneri hanno scelto, col parere dalla soprintendenza, mattonelle quadrate di granito bianco e inoltre Usai ha dichiarato che la piazza verrà inaugurata a breve e che l’amministrazione sta predisponendo nuove iniziative per il centro storico.
Alla mancanza di personale nel reparto dialisi dell’ospedale Sirai di Carbonia si aggiungono anche problemi di tipo strutturale: giovedì notte a causa delle infiltrazioni di acqua piovana è caduto un controsoffitto. Fortunatamente al momento dell’accaduto non passava nessuno, la mattina seguente sono intervenuti i tecnici che hanno provato a sistemare i danni alla meglio.
Sabato a Nuxis sono riprese le presentazioni in presenza di libri nella biblioteca comunale: il vicesindaco M. Fanutza con la bibliotecaria R. Podda hanno presentato l’opera di Michele Atzori, meglio conosciuto col nome d’arte di Dr. Drer. Atzori, 53 anni, è uno dei migliori cantanti sardi della scena rap e reggae e dopo 6 dischi e 500 concerti tenuti in tutta Europa, ha deciso di dedicarsi alla scrittura con un’opera autobiografica composta da 14 racconti che si intitola “Giornata Avara”. Così Atzori a partire dal 1980 ci racconta l’evoluzione sociale di Cagliari, della Sardegna e anche dei sardi toccando in maniera ironica e talvolta sarcastica tematiche complesse come l’emigrazione, le servitù militari, la difesa dell’ambiente, della salute e della cultura.
Ha piovuto quasi ininterrottamente per tutta la settimana e all’alba di domenica mattina si è verificato un evento piuttosto raro: l’occhio del ciclone che ha interessato la Sardegna meridionale si è fermato proprio di fronte alla costa di Teulada e così ha iniziato a piovere in maniera copiosa sulle montagne del Sulcis e sulla pianura: basti pensare che in una stazione amatoriale in Barrua, nel territorio di Santadi, sono stati registrati 120 mm di pioggia dalle 20 di sabato alle 12 di domenica.
Così in tutta la zona del Basso Sulcis è stata interessata da allagamenti causati dallo straripamento di canali di scolo e rigagnoli. Sono stati duramente colpiti i centri urbani di Masainas con la via principale trasformata in un torrente in piena e l’abitato di S.A.Arresi dove ai danni della pioggia (colate di fango dalle colline circostanti e alcune strade sprofondate) si aggiunge una grave tragedia: un anziano di 81 anni che era uscito per controllare il bestiame è stato trascinato via da
un’ondata improvvisa di acqua ed è stato rinvenuto cadavere solo a tarda sera.
Un ‘altra tragedia si è rischiata sulla SP 70 che collega Santadi e Teulada: il torrente che arriva da Sebera ha fatto crollare il ponte che si trova nei pressi dell’abitato di Is Cattas: la buona sorte ha voluto che l’ultima automobile sia passata appena 10 minuti prima che crollasse il ponte. Sicuramente ci saranno gravi disagi per i 30 residenti di Is Cattas: senza il ponte saranno costretti ad utilizzare sterrati di collina (ammesso che esistano ancora) per recarsi a Santadi oppure saranno costretti ad andare a Teulada e sperano che la Provincia intervenga rapidamente.
Sicuramente la pioggia è stata veramente notevole – a S.A. Arresi nemmeno i più anziani hanno memoria di un evento così disastroso – ma la questione del dissesto idrogeologico del territorio con la mancanza di fondi per gli enti locali e la burocrazia lenta è sempre uguale.
È giusto segnalare che la Protezione Civile Regionale ha diramato un’allerta gialla per il solo rischio di dissesto idrogeologico e che è stata innalzata ad arancione quando ormai il peggio era passato.
